الهجره لكندا وازاى تسافر كندا بسهولة جدا بدون صعوبة
السلام عليكم هنتكلم معاكم عن ازاى تسافر كندا بسهولة وهديك نصائح مهمه جدا خلال تجربتي من السفر
اولا واهم حاجه لازم تكون على الاقل تكون بتعرف انجليش ولو بسيط شويه ودا طبعا علشان تعرف تشتغل هناك وتعرف تعيش هناك لان مستحيل تلاقي شغل وانت حتي متعرفش الانجليش ولو شويه فيه
خلينا الاول نتكلم عن المعيشه في كندا عامله ازاى قبل ما تحطها في دماغك وتقول اني ضحكت عليك لا بص المعيشه نوعين النوع الاول اللي انت هتشتغل فيه شرعي وتقبض فلوسك على البنك وتدفع ضرايب وكدا والنوع التاني اللى انت ولا هتدفع ولا ضرائب ولا بتنجان انت هتعيش كدا جمب الحيط وتخلع اولا اقل راتب هنا في كندا دا بالميت خالص 2000 دولار يعني حوالي 1700 دولار امريكي وانت سكنك هيصرف 250 دولار كندي واكلك وشربك كله لو انت على الهادي هتصرف زيهم 250 بس دول اكلك وشربك ونت كمان دا لو انت مفيش ضرايب بقا ودا اسمه العمل الاسود ودا ملهوش عقوبه
طب ازاى تسافر كندا بسهوله ودا المهم ركز في اللى هقوله دا اولا السفر الى كندا 3 انواع سياحه ودي ملناش دعوه بيها لانها صعبه جدا
والنوع الثاني الهجره ودا اسهل حبتين بس صعب بردو لان دا محتاج منك مهنه وموهل يخلي ليك احقيه انك تروح هناك يعني لازم تكون فاهم انجليش كويس ولازم شهادة ومهنه وورق وهتتعب بجد
النوع الثالث دا بقا دا اسهل حاجه توديك كندا بس دي بقا انت وشطارتك بقا يا معلم
بص كندا مليانه مزارع كتييير جدا والمزارع دي كل يوم والتاني عايزه عمال ويدوب بتمشي نفسها وعلى فكره الشغل في المزارع مش صعب ومش وحش بالعكس دانت اكلك شربك سكنك ببلاش على حساب المزرعه اها وربنا وغير كدا انت مرتبك هيكون محترم لانك هتكون مقيم دائم يعني مرتبك لو في شركه هيكون 2000 دولار كندي لانك هتكون شغال 5 ايام في الاسبوع و8 ساعات في اليوم بس. لكن المزرعه انت هتكون متواجد فيها 24 ساعه في كافه ايام الاسبوع يعني مرتبك هيكون ما بين 3000 لحد 5000 دولار كندي وربنا ما بكذب عليك او بطمعك للاسف دي حقيقه بس محدش كتيير يعرفها اصلا ودي تجربتي انا شخصيا
طب السؤال المهم ازاى هخلي المزرعه دي تبعتلي عقد عمل ؟؟؟؟
بص قدامك طريق واحد بس وهوا انك تعمل لنفسك cv. انك عندك خبره في الزراعه وانك كويس جدا فيها وتخش على الفيسبوك وتدور على البيدجات بتاعت المزارع او تعمل المدينه بتاعتك على البروفيل انك مقيم في كندا في اي مدينه ريفيه وتقوم عامل المهنه بتاعتك farmer يعني مثلا وتعمل ايه بقا يا نجم برافو عليك تقوم عامل بحث على الفيس بحرف a. مثلا وتختار المهنه فارمال وتختار المدينه دي وتخش على اي حد من الناس دي وتكلمه بقا وتعيش ولنفترض انك بعت ل50 واحد مثلا فانت حط احتماليه ان يرد عليك 5 بس وواحد من الخمسه دول 100% هيوافق لانهم عايزين عمال فعلا في المزارع والا هيكون انت اللي وشك فقر
وخلي بالك الكنديين 24 ساعه اونلاين وبالذات المزارعين يعني اكيد هيردو عليك بس انت ابعتلهم في وقت العصر او المغربيه
وخلي بالك وانت بتكلمه قوله انا هتفق معاك انت هتبعتلي عقد العمل وانا هجاي لحد عندك على حسابي واتفق معاه على الاكل والشرب والسكن
ومتقلقش من السكن السكن نظيف جدا انظف من المدن مش هتنام في عشه يعني والاكل كويس وصحي اكيد
وأخيرا وليس اخرا ياريت تخدلك لفه في المدونه وتسوف المقالات التانيه هتعجبك جدا جدا عن السفر وعن كل حاجه وياريت تشارك المقاله على الفيسبوك علشان غيرك يستفاد ولو محتاج اي سؤال اتفضل اسئل في الكومنتات وانا تحت امرك
يا ريت تساعدنا في اللي بتقوله انا معك في اي حاجه
ردحذف